Guwahati, May 16: Concert damsao gitko ring•engmiting somoio uko gipake ku•dimeahani gimin me•chik police saksako suspend ka•anina git ring•anio mingsing minggamako man•gipa Zubeen Garg, social media-o suk ong•gijaniko parakataha.
Ia me•chik police-ara, Assam-ni Dibrugarh a•jao donggipa Chabua police station-o Home Guard dake donatako man•gipa Mili Prabha Chutia ong•achim aro uni Zubeen Garg-ko concert damsao gipake ku•dimako social media-rangko niksoani ja•man Assam sorkari, kamoniko suspend ka•aha ba dontongatahachim.
Ia me•chik police-ko kamoniko suspend ka•ahanina an•tangni suk ong•gijaniko social media-o mesokatengon, “Beben ian sipairangni niamo nangchakegipasa ong•a indiba ka•saaniode iandakgipa niamrang dongja aro sastiko man•na kraja,” ine Zubeen Garg parakataha.
Uni iandake ia me•chik police-na chakpaaniko on•atani ja•man bang•a manderangan uni kamna social media-rango namnikpaaniko parakattokskaaha.
Indake ong•genchimoba gimikande Zubeen Garg-ni chanchiani gita chanchiskajaha aro mitamrangde police-rangni iandakgipa kamko jegalatenba, uni kosako police department-ni ja•ku de•anina mittelatskaaha.
“Police-rangan kamtangko ka•engmiting somoio iandake ka•sanapgenchimode neng•nikanirangko ra•bana man•aigen,” ine mande saksa social media-o parakatskaaha.
Na·simang ia video-koba nina man·gen:
Na·simang iakoba poraina man·gen: Thaubal-o sakgni chadamberangko slai jotdikenba rim•srukanga, saksani manggisiko man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
