Imphal, May 16: Manipur a•dokni Thoubal a•jao sakgni chadamberangko slai jotdikenba denggu dakgipa dolrang rimsrukangaha. Ia rimsrukangako man•giparang Keibung Mathak Keikai-oni bilsi 20 ong•gipa Moinam Md Tombal aro bilsi 20 ong•gipa Md Farid Khan, jekon Boycha ineba u•itokachim iamang ong•achim.
U•iatani gitade, uamang sakgniko sombar salo rimsrukangaha. Indake Tomba-ni manggisiko budbar salo man•aha. Iani bidingo kobor man•a bakan, police dolrang, Tomba-ko so•otanio jak dongpagipa ine chanchichipenggipa sak 10 manderangko rim•enba, rim•sruka man•gipa saksakoba jokataha.
Police dolni naljokatako man•gipa chadambe saksa, Boycha-ko Imphal-ni hospital-o sanna bannaniko dakenga. Iano rim•ako man•gipa manderangara, bilsi 29 ong•gipa Salman Khurshid, bilsi 39 ong•gipa Md Manjur, bilsi 29 ong•gipa Hawaibam Chester, bilsi 28 ong•gipa Sinam Aimsum, bilsi 25 ong•gipa Oinam Leonando Meitei, bilsi 19 ong•gipa Md Majinur, bilsi 33 ong•gipa Elangbam Gobin Singh, bilsi 22 ong•gipa Yangkhubam Rajia, bilsi 32 ong•gipa Md Azam Khan aro bilsi 19 ong•gipa Silvia maang ong•a.
“Ia rimsrukanio jak dongpagipa sak 10 manderangko chinga rim•enba, iani bidingo adita sing•sandie nianirangko dakengkua. Da•o dipet maini a•sel ia chadambe sakgnirangko rimsrukangahachim chongmot kattako u•ina gita man•kuja,” ine police official saksa u•iataha.
Na·simang ia video-koba nina man·gen:
Na·simang iakoba poraina man·gen: China-ni sima ari jolo donggipa Shi Yomi a•jaona “Sewa Aapke Dwar”-ko sokatna DC chelbea ramarangko re•anga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
