Shillong, August 10: Meghalaya Boxing Association, Directorate of Sports and Youth Affairs baksa apsan nangrime, re•anggipa August jani 7 tarikoni 9 tarikona, Shillong-ni Mawlai Mawroh-o ong•atanggipa State Sub-Junior and Junior Boys and Girls Boxing Championship 2024-ko ong•atanio Garo Hills-ni chadambe boxer-rang ge 6 medal-rangko man•enba chegiparang ong•e nambegipa dakmesokaniko dakangaha.
Garo Hills-oni medalrangmo man•e chebagiparangara,
31-33kg category-ni Marbaniang M Sangma – Bronze Medal(Sub-Junior),
33-35kg category-ni Nambearo M Sangma – Gold Medal(Sub-Junior),
52-55kg category-ni Challang D Arengh – Gold Medal (Sub-Junior),
50-52kg category-ni Chegado Kuringsal D Momin – Gold Medal (Junior),
52-54kg category-ni Dimsrang Ch Sangma – Bronze Medal (Junior)
60-63kg category-ni Casbea K Marak – Gold Medal (Junior), iamang ong•a.
West Garo Hills Boxing Association-ni Secretary aro National Boxer, Balnas A Sangma, Garo Hills-o skichakani biaprang dongjagenchim ong•oba aro chu•onga gita skie on•anirangko dakna man•jagenchim ong•oba, ia chadambe boxer-rang chu•sokgipa ong•na gita man•aha aro bebe gita uamang namgipa skie on•ani aro dakchakanirangko man•genchim ong•ode banggija somoirangni gisepon uamang iana bate dal•dalgipa tournament-rangon niksenganiko man•gen, inenba ua an•tangni ka•donganiko parakangaha.
West Garo Hills Boxing Association-ni boxer-rang ian skanggipa changna Tura-ni a•palo ong•atgipa tournament-o bak ra•aniko dakangaha inenba Sangma u•iatan baksana, skanggipa changna bak ra•ani ong•genchim ong•oba uamang West Garo Hills a•jaoniko sub-junior category-o sak 3 aro junior category-o sak 5 boxer-rang, chong•motan chu•gimik sak 8 boxer-rangko watatna gita man•aha, jeonin ge 4 Gold Medal-rangko man•chape ge 6 medal-rangko man•baaha ineba ua janapangkuaha.
Gipin sports ba kal•susaani gita ia mingsinggipa ong•pajagenchim ong•oba, ian ta•rake gisiko nangatninggipaba ong•a, uni gimin bang•a chadamberangkon ia kal•susaanio bak ra•china gita Sangma didianiko dakangaha.
Khelo India-ni ning•o sak 2 coach aro Diploma Coach-ni ning•o sak 1 coach-ko man•chape da•o dipet sak 3 coach-rangsan Garo Hills-o dongaia ine ua u•iatangaha. Tura-ni boxer-rang, Tura Dakopgre-ni MP Stadium-o salanti ranta ka•jringaniko dakenga.
Ia tournament-o ge 6 medal-rangko man•e chebagiparang mikkangchi a•songni gadango susaanio Meghalaya a•dokni palo susaaniko dakna gita adita ranta ka•anirangko dakangkugen ineba ua u•iatangkuaha.
Na·simang ia video-koba nina man·gen:
Na·simang iakoba poraina man·gen: 1st South Western Motocross Championship 2024-ko SWGH-o a•bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
