Shillong, August 03: State Education Commission-ni office-ko Bristibar salo, Meghalaya a•dokni Chief Minister Conrad K Sangma, Shillong songjinmani MBOSE office-o kulie on•angaha.
Ia office-ko kulie on•angani ja•man, State Education Commission-ko songani bidingo talate on•angengon, lekka porani kamrangko pilakni gitan namdapatanio nirok sandianirangko dakna gita ia commission-ko songaha ine Chief Minister parakataha.
Education department-ko chalaianio dingtang dingtang ra•bianirang donga aro ia ra•bianirangko State Education Commission, chel•chakna gita man•gen ine janapatengon, ia commission-ko songanichi lekka porani a•bao namdapaniko aro dingtanganiko nikna man•gen ine Chief Minister, an•tangni ka•dongchakenganiko parakataha.
State Education Commission-ko dilna gita a•dok sorkari, North Eastern Hill University (NEHU)-ni ning•o donggipa Education department-ni Prof SM Sungoh-ko chairperson songaha aro Adviser-na UPSC-ni gitcham Chairman Prof David Reid Syiemlieh baksana gitcham IFS officer aro MBOSE-ni gitcham Executive Chairman Tony TC Marak-ko songe Education department-ni Secretary in-charge Ambrose Ch Marak-ko Member Secretary songahachim.
Ia State Education Commission-na sak 12 co-opted membor-rangkoba sorkari songe on•angaha.
Iakoba poraie nina man·gen: Assam-o ding·dugaengani a·sel, Guwahati aro sambajol biaprango skul ka·ani somoiko dingtangata
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
