Shillong, July 11: 1972 bilsini Meghalaya State Reservation Policy-ko taridapgija a•bacheng sualgimin gitan apsankon ja•rikangkuchina North Garo Hills Job Reservation Policy Coordination Committee (NGHJRPCC)-ba Reservation Policy-ni expert committee-na ku•pattianiko on•ataha.
NGHJRPCC-ni president Jagir M Sangma-ni parakatani gitade, a•doko songdongenggipa jatrangni janggi tangani gadango pangchakesa 1972 bilsini Reservation Policy-o Khasi-Jaintia-rangna 40 percent, Garorangna 40 percent aro gipin jatrangna 20 percent-ko chamahani gimin da•o ia reservation policy-ko gital dake nipiltaigenchimode ian Garorangna chamgimin bak rengsiko ra•e katani gita ong•genchim.
2022 bilsio Meghalaya State Government-o kam ka•giparangko Economics & Statistics Directorate-ni gita census ka•ani bidingo janapatengon, sorkario kam ka•giparang Khasi-Jaintiaoni sak 35,031 ong•e 61.69 percent ong•enga indiba Garorangonide sak 19,874-san ong•e 35 percent-ni gitasan ong•kuenga ine NGHJRPCC parakataha.
1972 bilsini State Reservation Policy-ko kakket aro bebeo ja•rikjahani a•selan Garorang, an•tangtangni man•na nanggipa chu•gimik bak rengsiko man•kujaenga ine janapatskaengon, Meghalaya a•doko songdongenggipa jatgittamoni Garorang pilakni gitan ja•manchakbatgipa jat ong•engani gimin 1972 bilsioni ja•rikbaenggipa apsan Reservation Policy-ko ja•rikangkuna nanga ine NGHJRPCC, expert committee-ko didiataha.
Na·simang ia video-koba nina man·gen:
Na·simang iakoba poraina man·gen: Goalpara-ni Rehab centre-ko chipatchina A•chik dolrang dabianga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
