Guwahati, August 01: Dr Partho Sarathi Gooh Pattader-ni dilanichi Indian Institute of Technology Guwahati-ni research team, me·chikrango mongsongbate ong·ronggipa Urinary Tract Infection (UTI) ba su·bu ramani sabisiko ong·atgipa bacteria-ko gong·rakbate, tik ong·bate ma·sina man·an baksa namen jakkaltogipa aro 3D-o print ka·na man·gipa bostu ge·sako tariaha.

Su·busik saa ba UTI sabisiara mongsongbate oko keani somoio me·chikrango ong·rongbata aro ia sabisiko dingtang dingtang bacteria-rangchi ong·atna man·a. UTI-ni saa rokomrangara su·bumiting somoio kama gita sa·dikani baksana su·bujengjengna sikatanian ong·a. Uandake, ia sabisi jensomoio mandeni ka·rongteona gipangahaon mandeko bilonge saatna gitaba man·a.

IIT, Guwahati-o tarigipa ia bostuchi UTI saako man·enggipa mandeo donggipa bacteria-ni rokomko minit bongani gisepon ma·sina gita man·a, jenan da·o jakkalenggipa bostuchide apsanko u·ina gita adita salrangko nangskaachim.

Ia Prototype device ba bostuara, korosrang komian baksa porikka ka·e niani biaprang chu·onga gita donggijanichi UTI case-rangko rim·a man·chipgijagipa songadam biaprango namen jakkaltogipa bostu ong·gen.

Iakoba poraie nina man·gen: Kangpokpi-ni relief camp-o dongenggipa nok-jam gri ong·gipa manderangna a·dokni minister Nemcha Kipgen, ba·ra-kancharangko suale on·anga

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub