Imphal, August 01: Manipur a·dokni cabinet minister aro batanggimin somoio Covid 19 sajinma ong·katmitingo neng·nikaniko man·gipa manderangna dingtang dingtang dake dakchakanirangko on·eming manderangchi mittel-mitchuako man·pilgipa Ma Nemcha Kipgen, Manipur a·doko kajia-golmal ong·anichi nok-jamrangko wate katna draatako man·e Kangpokpi a·jani relief camp-o ma·chake dongenggipa manderangko Sombar salo grongangenba uamangna ba·ra-kancharangko suale on·angaha.
Manipur-o jatgnini gisepo kajia-golmalrang ong·e so·so-jengjeng ong·miting somoio Pa N. Biren Sing-chi rikdilenggipa Manipur sorkario BJP doloni saksa mangmang me·chik minister ong·pagipa Ma Nemcha Kipgen-ni official quarter-koba ma·sina man·gijagipa manderang batanggimin somoio chadrapahachim ine nikatna gita man·gen.
Batanggimin May jani 3 tarikoni a·bachenge Manipur-o songdongkamgipa bang·batgipa Meitei jatrangni Kuki-Zo manderangko a·rikgalna gita miksonge so·so-jengjengko ong·atanichi duk aro saknaako man·enggipa an·tangni jatskana amadipet nirok-simsakaniko on·na gita a·dokni minister dingtangmancha kang·kare kae ra·aha. Uandake, Kangpokpi a·jani relief camp-rango katnape dongenggipa uni manderangna chu·onga gita ganding-chinding aro ma·manti nanggipa bosturangko suale dakchakaniko on·na gitaba manderangna ka·dongataniko on·angaha.
Duko ga·akenggipa manderangko relief camp-o grongani somoio, a·dokni cabinet minister Ma Nemcha Kipgen, uamangna chu·onga gita ba·ra-kancharangko suale on·angenba, relief camp-o dongenggipa darang saksakoba okgimu chakna aro okgimu chake tusina on·jawa ine manderangna ka·dimeataniko on·angaha.
Indake ong·engon, nok-jamrangko wate katna draatako man·e Kangpokpi a·jani ning·o donggipa pilak relief camp-rango ma·chakenggipa manderangkoba re·baenggipa salrango gronge dakchakanirangko on·anggen ineba minister parakataha.
Iakoba poraie nina man·gen: Tripura-onin a·songni simako ga·batna gita Rohingya-rangko dakchakenga ine Assam STF-ni skotong dilgipa parakanga
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
