Shillong, Aug 10: Meghalaya Boxing Association (MBA) aro Sports and Youth Affairs-ni Directorate nangrimenba, me•a aro me•chik bi•sarangna Sub-Junior aro Junior Boxing Championship-ko, Shillong-ni Mawlai Mawroh-o donggipa Indoor Sports Hall-o August 7-9 tarikona ong•atangaha.
Ia tournament-ko me•a aro me•chik bi•sarangni bilsi aro jreanio bak dake kal•atangaha, chong•motan, Sub-Junior gadango bilsi 13-14ona uamangni jreani 31-33 kg mangoni 67-70 kg mangni gisepo aro Junior gadango bilsi 15-16ona uamangni jreani 44-46 kg mangoni 75-80 kg mangni gisepo kal•susaatangaha.
Ia Boxing Championship-ko ong•atanio bang•bate bak ra•anggipa aro bang•bate medal-rangko man•anggipa East Khasi Hills a•ja chegipa ong•e Tournament-ni Trophy-ko man•angaha.
Indake, West Garo Hills a•jaoni bak ra•anggipa sak 8-oni sak 4 Gold medal aro sak 2 Bronze medal-rangko man•aha, gimik gimang ge 6 medal-rangko man•enba Runner Up Trophy-ko man•angskaaha.
Una agreba, East Garo Hills a•jaoni, sak 5 bak ra•giparangoni sak 4 medal-rangko man•aha aro North Garo Hills a•jaoni sak 3 bak ra•giparangoni sak 2 medal-rangko man•angaha.
Ia Boxing Championship-o Garo Hills gimikoni me•chik bi•sa saksa mangmang bak ra•angaha jean, North Garo Hills a•jani Resubelpara-oni Jiasa Marak ong•achim, uaba Gold medal-ko man•bapaaha.
West Garo Hills a•jaoni Sub-Junior me•asa dolni susaanio medal-rangko man•e chebagiparangara, 33kg category-ni Marbiniang M Sangma, Bronze medal, 35 kg category-ni Nambearo M Sangma, Gold medal aro 55 kg category-ni Challang D Arengh ong•achim. Indake Junior me•asa dolni susaanio, 52kg category-ni Chegado Kuringsal D Momin, Gold medal, 54 kg category-ni Dimsrang Ch Sangma, Bronze medal aro 63 kg category-ni Casbe K Marak, Gold medal-ko man•aha.
East Garo Hills a•jaoni Junior me•asa dolni susaanio, 61-64 kg category-ni Mark Akimbo D Marak, Gold medal, 57 kg category-ni Dimrim Achang M Sangma, Silver medal aro 60 kg category-ni Disrang D Sangma, Silver medal-ko man•aha aro Sub-Junior me•asa dolni susaanio, 57 kg category-ni Dorak Kimbrio M Sangma, Silver medal-ko man•aha.
North Garo Hills a•jaoni medal man•bagiparangara, 48kg category-ni Jiasa Marak, Gold medal aro 53 kg category-ni Apasa Saldoa K Marak, Bronze medal-ko man•aha.
Na·simang ia video-koba nina man·gen:
Na·simang iakoba poraina man·gen: Nongpoh-o gital rikgipa District Medical & Health Office nokko Conrad nokdonggae on•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
