Shillong, March 3: Bharatiya Janata Party Meghalaya unit, Sunil Deodhar-ni kosako jegalanirangko dakenba, uni agangimin kattarang “namgijagipa, orto grigipa aro mitchibegipa,” ong·a ine Shillong-o press conference ong·atani somoio parakataha.
Ia ong·anggimin obostani bidingo aganchakaniko on·na nangnikaha maina ian kajia-golmalrangko ong·ate BJP Meghalaya-na namgija bimungko ra·bana jotton ka·ani ong·a ine party-ni dilgiparang aganangaha. “Sunil Deodhar BJP Meghalaya baksa mamung bak nangeja,” ine dilgiparang raken parakataha, aro a·songoni saksaba BJP-ni dilgipa uni agananirangna chakrimjaha ine agandapaha.
Uandake, Kristian torom-ara a·dokni itihas-o gamchatbegipa ong·a ine party-ni manderang aganangaha. Khasi oikor-ko bikotgipa Thomas Jones-ni on·gilanirangko dilgiparang janapenba, Mondolirangan skie ra·chakram biaprangko rikaha aro da·ona kingking uarang manderangna dangdike on·engkua ine mitele aganangaha. “Mondolirangni on·gilanirangko sing·dogipa mandeara gokasa ong·a,” ine saksa dilgipa aganangaha.
A·dokni BJP president aro MLA-rang party-ni ma·mongoni dilgiparang baksa raken jegalanirangko dakangaha, aro uamangba Deodhar-ni agangimin kattarang ra·chakna man·gijani ong·a ine ku·chakenba, uni kamni kri uko bichal ka·aha ine dilgiparang aganangaha.
Bon·kame, BJP Meghalaya, a·doko toromrangni gisepo meli-nangrimanina kam ka·a aro darangna mikpakma niani dongja ine aganangaha. Una agreba, uamang Meghalaya-ni itihaso uamang toromni bidingo matnanganirangko dakkuja aro da·oba iarangko dakna on·jawa inenba, party-na namgija bimungko ra·bana jotton ka·giparangko bebera·jachina songdonggipa manderangko mol·molangaha.
Na·simang iakoba nina man·gen:
Na·simang iakoba poraina man·gen: Shillong by-poll-o susana biming mingani gimin Myrboh, VPP-ko mittelpila
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
