Shillong, April 19: Shillong songjinmani Them Iew Mawlong-o donggipa Sweepers Colony-ni dol 342 nokdangrangko dingtang biapona apjitna gita sorkarini tarigipa blueprint-ni bidingo Harijan Panchayat Committee (HPC) maming aganchakanirangko on•kujaenga ine Budbar salo, Meghalaya a•dokni Urban Affairs Minister Sniawbhalang Dhar parakataha.
HPC-ni aganchakaniko man•sokujaengani gimin aro a•dokni Deputy Chief Minister Prestone Tynsong-ba da•o a•doko ong•jani gimin sorkari, iani bidingo mikkang antiosa tom•aniko ong•attainaba gnang ineba Dhar parakataha.
Urban Affairs Minister-ni parakatani gitade, HPC-ni aganchake seatgipa chittirangko da•onan man•soa dongkujani gimin, sorkari a•bachengo tik ka•gimin gitan ja•kurangko de•angaignok.
Harijan Colony-ko dingtang biapona apjitna sorkarini tarigimin blueprint-ko name poraichengna gita Harijan Panchayat Committee, jagittam somoi bi•dapahani gimin April 10 tarikni gisepon aganchakaniko on•china sorkari ge•etaniko on•skaahachim ine nikna man•a.
Harijan Colony-ni dol 342 nokdangrangko Shillong Municipal Board-ni official quarter-rangona apjitna gita sorkari tik ka•manahachim ineba nikna man•a.
