Tura, Mar 27: Budbar salo, National People’s Party (NPP)-ni national president aro Meghalaya a•dokni Chief Minister Conrad K Sangma, Tura-ni Lok Sabha MP aro NPP candidate Agatha K Sangma, South West Garo Hills a•jani Salmanpara aro Mahendraganj Assembly constituency-ni ning•o donggipa Gopinathkilla, Chapahati, Tungrurchar aro Daspara songrango campaign ka•angaha.
Ia tom•bimonganirango ua jinmana aganprakangengon, ia election-ara NPP-o manderangni ka•donganiko mesokna sienggipa election ong•engani gimin namen gamchatbegipa election ong•enga ine parakangaha.
NPP-ni candidate Agatha Sangma-ko Tura-ni MP-na seoktaichina manderangko didiangengon, Meghalaya a•doko NPP-ni dilanichi changgnina sorkariko rikanio bang•en namroro silroroaniko ra•bana man•aha ine Sangma aganaha.
“An•chingni manderangna aro salgro salaram jolni nanganirangna Agatha, Delhi-o ku•rang on•aha aro Kristian MP-rangni dilgipa ong•eba ua Kristianrangni dingtang dingtang nanganirangna kamko ka•aha,” ine NPP-ni national president aganaha.
Ia tom•anirango Tura-ni MP aro Tura Lok Sabha constituency-ni NPP candidate Agatha K Sangma-ba jinmana aganprakengon, ia election-ko an•tangko seoktaienba, Tura Lok Sabha-ni manderangna dangdike on•angkuna gita cholko on•china didiangaha.
Gopinathkilla-o NPP-ni tom•aniko ong•atanio BJP-ni state vice president aro GHADC-ni gitcham CEM Dipul R Marak baksana una kam ka•enggipa bang•a manderangba NPP-o napangaha aro Mahendraganj-oba PA Sangma sagi baksa meligipa Abul, TMC-oni ong•kate NPP-o napangskaaha.
Na·simang ia video-koba nina man·gen:
Na·simang iakoba poraina man·gen: Sonam Wangchuk-ni sal 21-na okumu chakaniko dontongata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
