Tura, June 19: Sombar salni 1:00 bajimango, South West Garo Hills a•jani Damalgre jolo donggipa Chimesenggre dolongo bike bolgni chatinggrike a•sel ong•aha aro ia a•sel ong•anio bike bolsako salenggipa mande saksa so•otako man•aha.
Koborko on•ani gitade, AS-02G 0343 Pulsar bike bolsao, Assam South Salmara-o donggipa Uttar Samarali songoni bilsi 25 ong•gipa Jahangir, bilsi 26 ong•gipa Minarul Islam baksa Garobadha-chipakna re•angengachim aro ua somoio ML-14 8862 bike bolsao Dengnakpara songoni bilsi 23 ong•gipa Dechrang T Sangma, Garobadha-chipakni re•baskae, bike bolgnian Chimesenggre dolongko chatinggrikaha.
Ia a•sel ong•ani ja•man a•sel ong•chakgipa biapona 108 emergency service-ko okamaton, Dengnakpara songni Dechrang T Sangma-kode siaha ine parakeaha indiba bike bolgipinni mande sakgnikode, bilongbee saknaanirangko man•ahani gimin sanna gita Tura Civil Hospital-ona ra•angaha.
Iakoba poraie nina man·gen: Reservation-ni mamlao Expert Committee-ko songna skang, pilakni agananirangko ra·chime sorkari kamko ka·chakatgen: Ma Ampareen
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
