Ampati, Sep 20: South West Garo Hills a•jani dingtang dingtang biaprango drae til•eka man•gipa me•chikrangna kakket bichalko on•china gita dabie Sukrobar salo, dingtang dingtang dolrang nangrime, jinma tom•bimonganiko Ampati-o ong•atangaha.
Ia tom•bimonganiko GSU Western Zone-ni dilanichi ong•ataha aro ia tom•bimonganio, AHAM, AYWO, ADIL, FKJGP, ADE, MKSU, HSU dolrang baksana jolo songdongenggipa manderangba bak ra•angtokaha.
Ia tom•bimonganio dingtang dingtang dolni dilgiparang, jinmana aganprakengon, Chenga Benga Mela-o aro Garobadha-o me•chik bi•sarangko kragija dake til•ekdraanina jegaltokenba, ia a•selo jak donggipa pilak manderangkon rim•china dabiangtokaha.
Chenga Benga Mela-o me•chik bi•sa sakgniko drae til•ekanio mongsonggipa mandekode da•onan rim•na man•kujaenga ine an•tangtangni suk ong•gijaniko parakangtokengon, ia mandeko ta•raken rim•china aro rakbatgipa sastirangko on•china dingtang dingtang dolni dilgiparang dabiangtokaha.
Meghalaya Residential Safety & Security Act (MRSSA) 2016-ko a•doko ra•gatchina, South West Garo Hills a•jani District Selection Committee (DSC)-ko namdapatchina aro Trading by Non-Tribals (TNT) Act-ni ning•o rakbatgipa niamrangko ra•gatchina gitaba ia tom•anio dingtang dingtang dolni dilgiparang dabiangtokaha.
Na·simang ia video-koba nina man·gen:
Na·simang iakoba poraina man·gen: Assam-o smart meter chataniko Opposition dolrang jegala
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
