Tura, Oct 3: South West Garo Hills a•jani Rerapara songo gital rikgipa 33/11KV, 2X2.5 MVA Rerapara (Damalgre) Sub-Station-ko Bristibar salo, Meghalaya a•dokni Chief Minister Conrad K Sangma, a•dokni Power Minister AT Mondal-ni dongpaanio kulie on•angaha.
Ia project-na Asian Development Bank (ADB)-ni gita tangka paisarangko dakchake on•aha aro ian Damalgre jolrango bijoliko nambate on•na dakchakani ong•gnok.
Ia Sub-Station-ko gong crore 6.19 koros ong•e rikaha.
Ia Sub-Station-ko jolni manderangna pakwate on•angengon, ia sub-station-ko rikanichi jolni manderangna bijoliko nambate on•na man•gnok aro bijoli nosto ong•aniko komiatna gita bewalan dakchakani ong•gnok ine Chief Minister aganaha.
Songo noko bijoli on•aniko namdapatanichi dingtang dingtang karkanarangko kulie, songni manderangna kamrangko nakatate on•skana man•gen ineba ua aganaha.
Ia sub-station-ko kulie on•angani somoio a•dokni Power Minister AT Mondal-ba jinmana aganprakengon, ia project-ara Aggregate Technical & Commercial (AT&C)-ni gita noksan ong•aniko komiatna man•gen aro bijoli on•aniko bilakbatatgnok ine aganangaha.
Ia gital sub-station-o Damalgre aro uni wilwilao donggipa dingtang dingtang songrangna bijoliko on•na gita 2.5 MVA power transformer-ko ge•gni, control room damsa aro staff barrack damsako rikaha.
Rerapara-o ia gital 33/11KV sub-station-ko rikna skangde Damalgre, Mellim, Dengnakpara, Okkapara, Grenggandi, Rongbakgre aro uandakgipa songrangna Garobadha samba jolo donggipa Gongglanggre songni 33/11 KV sub-station-onikosa bijoli on•achim.
Na·simang ia video-koba nina man·gen:
Na·simang iakoba poraina man·gen: Garo Hills-o porikkani result-rangko namdapatna CM Impact-ko a•bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
