Shillong, Oct 20: Sonibar salo, Shillong songjinmao donggipa Synod College-ni diamond jubilee-ko maniani bak gita Vocational Training Institute-ko, Meghalaya a·dokni Chief Minister Conrad K Sangma, nokdonggae on·angaha.
Ia institute-ko nokdonggae on·anganio a·dokni Chief Minister, jinmana aganprakangengon, batanggimin bilsirango dingtang dingtang kamrangko a·bachengatahani gimin Synod College-ko mittelpilangenba, ia college-o international seminar, conference aro uandakgipa dingtang dingtang program-rangko ong·atanichi a·dokni namroro silroroanio bang·en on·gilpaaha ine parakataha.
An·tangni pagipa PA Sangma sagini ia college baksa nangrimaniko gisik ra·atpilangengon, ia college-ni gita jako ra·e ka·enggipa dingtang dingtang kamrangchi chadamberangni gisikrangko mangrakbatatchina ine Conrad, an·tangni skaniko parakataha.
Meghalaya Skills Program-ni namgnirangko ra·china gita Synod College-ni dilgiparangko didiangengon, vocation training-na a·dokni dingtang dingtang dolrang sorkari baksa bakrimaha ine Chief Minister parakataha.
Na·simang ia video-koba nina man·gen:
Na·simang iakoba poraina man·gen: Tura Bazar-o wa·al kamgipa biapko CM nianga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
