Guwahati, June 26: Assam-ni Tamalpur a•jao donggipa Bagajuli-Similguri songni, Ajay Boro-ni bilsi 14 ong•gipa demechik Monica Boro-ko, uamangni tumitting somoio mongma re•baenba kalake so•otaha. Ua Kumarikata Daogangbari High School-o class 9 poraigipa chatri saksa ong•achim.
Songni manderangni u•iatani gitade, mongma jinma rogipaoni mangsa ong•katbaenba, uamangni PMAY-ni nokko chadrapaha. Indake nokdangni sak 4 manderang joke katna gita jotton ka•beahaoba, rasonggrie Monika-ko mongma dokatani a•sel sko-o matako man•e siaha.
Police aro Forest official-rang obosta ong•gipa biapona re•angenba, Tamulpur police station-ona ra•angenba jamano post-mortem ka•na gita district hospital-ona rimangskaaha.
Ia ong•a obostara, a•doko ru•uta sal somoirangna mande aro mongmani gisepgriko nanggrikani a•sel neng•nikanirangko man•enganiko me•soka.
Official data-ni gitade, battanggimin 2022 bilsio mongma kalakanichi sak 73 manderang aro 2023 bilsio sak 45 manderang janggirangko gimaataha. Mongma kalake siatanio, ramram manderangna agreba bang•a forest official-rangba janggitangko gimattokaha. Ia bilsini April jaoba, Sonitpur a•jao, sakgni forest official-rangko man•chape sak 4 manderang mongma kalakani a•sel siangaha.
Indake ong•engon, battanggimin bilsirango mande aro mongmani gisepgriko nanggrikani a•sel aro gipin iandakgipa obostarangni a•sel mang 1,000-na batpilen mongmarang siangaha.
U•iatani gitade, Assam a•doko bilsi 2001-oni 2022 bilsini gisepo, mande aro mongmani gisepo nanggrikani a•sel baksana, ong•telaigipa siani, bijoli nange siani, rail gari salpakani a•sel, bisi cha•manani a•sel, niamgri so•otgiparangni a•selo aro goera goa man•ani a•selrang chugimik mang 1,330 mangna baten mongmarang siangaha. Indake ong•genchimoba, sianiko changijagipamingde ia janapbagimin sianirangna baten batnaba donga.
Na·simang ia video-koba nina man·gen:
Na·simang iakoba poraina man·gen: Arunachal-ni skul damsao ‘ragging’ ka•anina chatro sakbongako ‘suspend’ ka•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
