Jowai, May 3: Natural Calamity ba ong•telaigipa a•sel ong•ani somoirango dakna nanggnirangko manderangna agan-talate on•na gita Budbar salo, West Jaintia Hills a•jani District Disaster Management Authority (DDMA), awareness program-ko Jowai-ni Mynthong gittimo ong•atangaha.
Ia awareness program-ko ong•atanio Jowai-ni District Disaster Management Officer DL Kharkongor, jinmana aganprakangengon, je somoioba banggriani, a•a rurongani ba uandakgipa a•selrang ong•na man•aia aro pilakan an•tangtangko aro sakgipinrangkoba naljoke rakkina gita pangnan tarie dongna nanga ine didianiko on•angaha.
Ia program-ko ong•atanio Deputy Controller Civil Defence-o kam ka•enggipa manderang, a•sel ong•ani somoirango dakna nanggnirangko dake mesokangengon, a•sel ong•ani somoirango sorkari official-rangni sokangako senge dongaigija, dakchakanirangko nangenggipa manderangna dakchakanirangko on•na nanga ine agan-talate on•angaha.
A•sel ong•ani somoirango photo ba video-rangko ka•e social media-rangko watani pal dakchakanirangko nangenggipa manderangna dakchakanirangko on•china gitaba ia tom•anio official-rang, manderangna ku•pattianirangko on•angaha.
Ia program-ko ong•atanio West Jaintia Hills a•jani Additional Deputy Commissioner HML Kynta, sakgipin ADC MA Challam aro gipinrangba dongpae bakko ra•angaha.
