Shillong, Apr 16: Shillong songjinmani Iewduh ba Bara Bazar-o dokkan dakenggipa aro bading chiwale cha•enggipa manderangoniko badiaba badiaba dolrang, tangka dabie ra•enga ine matnanganirangko knasona man•ahani gimin tangka dabie ra•anirangko ta•raken police-rangna u•iatchina, Meghalaya a•dokni Deputy Chief Minister aro Home Minister Prestone Tynsong, dokkan dake cha•enggipa manderangko didiataha.
Iani bidingo kobor ra•timgipa manderang baksa agangrikengon, dokkan dake cha•enggipa ba bading chiwale cha•enggipa manderangoniko tangka dabie ra•aniara niamni a•palo ong•a aro iandake niam pe•giparangni kosako rakgipa ja•kurangko de•china ua district administration, Superintendent of Police (SP) aro gipinrangnaba ge•etaniko on•manaha ine Tynsong parakataha.
Iewduh-osan ong•aigija a•dokni pilak biaprangon iandake tangka dabiani lekkarangko man•enga ong•ode je somoioba police-rangna u•iatna man•aia ineba ua aganaha.
Iandakgipa kamrangni bidingo police-rangna u•iatgenchimode ta•raken dos dakgipa manderangni kosako ja•kurangko de•anggen ineba Tynsong, ku•rachakaniko on•angaha.
Na·simang ia video-koba nina man·gen:
Na·simang iakoba poraina man·gen: Salgro-Salaramni tang·doaniko mesokna Ambassador rangni gronggrikaniko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
