Tura, July 26: Sukrobar salo, West Garo Hills a•jani National Tuberculosis Elimination Program (NTEP)-ni gita Tuberculosis (TB) sabisini bidingo awareness aro Active Case Finding (ACF) program-ko Tura-ni Rongkhon-o donggipa District DIET Practising School-o ong•atangaha aro ia program-ko ong•atanio ia skulni class VI-oni class X-ona poraienggipa chatro chatrirang baksana kam ka•enggipa manderangba bak ra•angtokaha.
Ia program-ko ong•atanio, West Garo Hills a•jani District Tuberculosis Officer (DTO) in-charge Dr Riksilchi M Sangma, maikai TB sabisi batrikrikna man•a aro maikai ia sabisiko champengna man•gen, uarangni bidingo jinmana agan-talate on•angaha.
TB sagiparangko mitchijachina manderangko didiangengon, 2025 bilsini gisepon TB sabisiko chu•gimik bon•atsrangna gita kamko ka•anio bakrimaniko on•china Dr Sangma, skulo poraienggipa chatro chatrirangko aro kam ka•giparangko mol•molangaha.
Mittelpilani kattarangko DIET Practising School-ni skigipa Madam Desdemona Tracy N Sangma aganangskaaha.
Program matchotani ja•mano, TB-na porikka ra•na gita jinmani ku•chirangkoba ra•angaha.
Na·simang ia video-koba nina man·gen:
Na·simang iakoba poraina man·gen: Assamese-rangni ‘Moidam’-ko World Heritage Site-o chanchapaniko TAYP dol rimchaksoa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
