Shillong, Oct 11: Shillong songjinmani Them Iew Mawlong-o donggipa Sweeper’s Colony-ni mamla kacharion ong•kuengoba aro iani bidingo Scheduled Caste (SC) Commission-ni gita am•sandianirangko dakengkuoba ia biapko Meghalaya sorkari jako ra•na jotton ka•engani gimin Minorities Commission champengataha.
Iani bidingo Sweepers Colony-o songdongenggipa manderang, Minorities Commission aro SC Commission-ko mittelpilangan baksana ia Them Iew Mawlong-oniko Sweepers Colony-ko apjitna gita Meghalaya sorkarini ja•ku de•aniko champengatahani gimin Punjab sorkari aro DSGMC-koba mittelpilataha.
Harijan Panchayat Committee-ni secretary Gurjit Singh-ni parakatani gitade, ia biapo songdongenggipa manderang batanggimin bilsi 200-mangna ia biapon songdongkamtokengoba ia biapo songdongenggipa manderangko Meghalaya sorkarini High Level Committee (HLC), batanggimin bilsi gittamna kingking dokkol ka•na jotton ka•engachim indiba da•o Minorities Commission aro SC Commission-ni iandake raiko on•aniara ia biapo songdongenggipa manderangna rang•speaniko on•ani gita ong•aha.
