Guwahati, July 29: Guwahati Chandmari-ni Kinder Hall Pre School-o, Bhupendra Hazarika-ni gisiko nangdikpilgipa doka damani sulrangko gipatan baksana ra•dona miksonganio gitalgipa chasongni Bhupendra Sangeet workshop-ko sal 3-na chong•motan July 26 tarikoni July 28 tarikona, “Tholua” minggipa dol ong•atangaha, jeon banggija chadamberang baksana adita bi•sarangni bak ra•paaniko nikna gita man•aha.
Ia workshop-ko ong•atanio, mande ra•ako man•a kragipa aro Bhupendra baksa apsan dakmesokanio bak man•pilgipa Kamal Kataky-ni re•baanichi mikkim gnangbatatan baksana ua an•tangni u•ianirangkoba skie on•anirangko dakangaha.
“Ia workshop-ko ong•atani miksonganiara, Assamese jatni dakbewal rikbewalrangko chadamberangni gisepo tangchapilatenba jinmana giproroatna miksonganiko a•bachengataniko mesoka. Iasan ong•aigija, iano bak ra•gipa sakantian uni mingsingbegipa gitrangko u•ie ra•na cholko man•an baksana Kataky-ni ku•sikoniko, Bhupen Hazarika-ni aiao inmanpilgipa doka damani sulrang ba sika moanirangko donangni gimin u•ie ra•na gita cholba ong•aha,” inenba Workshop-ko ong•atgipa aro Tholua organisation-ni member Mayitry Adhyapak u•iatangaha.
Na·simang ia video-koba nina man·gen:
Na·simang iakoba poraina man·gen: Garo Hills-o ong•rongbewalna bate ding•gekanirang batrikrikani a•sel songdongenggipa manderangko jajrengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
