New Delhi, Oct 31: COVID-ni tikako su·anio komibatenggipa a·jarang baksa a·songni Prime Minister Narendra Modi, re·baenggipa November 3 tariko tom·e chanchirimanggen ine Robibar salo Prime Minister-ni Office (PMO) u·iataha.

PMO-ni u·iatani gitade, G20 Summit aro COP26 tom·anio bakko ra·e a·songona re·bapilani ja·man a·songni Prime Minister Narendra Modi, re·baenggipa November 3 tarik salni 12:00 bajio video conference gita dingtang dingtang a·jarang baksa agangrikanggen.

COVID-ni skanggipa tikako su·anio 50 percent-na komibatgipa aro gnigipa tikako su·anio komienggipa a·jarang baksa a·songni Prime Minister agangrikanggen.

Koborko on·ani gitade, Jharkhand, Manipur, Nagaland, Arunachal Pradesh, Maharashtra, Meghalaya aro dingtang dingtang a·dokrang, jeon COVID-ni tikarangko su·ani komienggipa a·jarang dongachim, uandakgipa a·jarang baksa a·songni Prime Minister agangrikgen.

Ia tom·anio ia a·dokrangni chief minister-rangba bakko ra·anggen.

Sonibar salona kingking India a·song gimiko pong kror 106 tikarangko su·manahachim.