Tura, April 26: West Garo Hillsni District Administration aro District Mineral Foundation (DMF) nangrime SPARK campko Tikirkilao ong·atangaha. Ia programko Tikirkila College aro Donbosco Higher Secondary Skul ong·atangaha jeon bang·a poraigipagipa chadamberangni bak ra·aniko nikna man·aha. Chadamberangni salanti janggi tanganio uamangni changa-sapanirangko jakkalna aro uarangko namdapatna skianirangko iano on·angaha.
SPARK program jekon Meghalaya Education Department for School ni gita program rangko ong·atenga aro ‘ia ka Mynried’ jekon East Jaintia Hills districtni gita a·bachengatahachim ia dolgni programrang namen chu·sokaniko aro chadamberangna dakchakaniko on·beenga. Iandakgipa programrangko man·kugijagipa chatro-chatrirangnaba suale ra·rone on·pana ine iandakgipa programrangko ong·atenga.
“SPARK program Turao bang·a chatro-chatrirangna dakchakaniko aro ra·bianiko on·beenga. Iandakgipa ra·biani aro skie ra·anirangko Tikirkila, Bhaitbari, Demda gita dakgipa bang·a songrangrangona sokangatna gita nangchongmotenga. Aro ian bang·a chadamberangni janggi tanganio chu·sokna aro janggi tangani cholrangko mesoka on·na man·chongmotgen” ine West Garo Hillsni DC Jagdish Chelani aganaha.
“Ia programara skulo gita skie ra·ani ong·janaba gnang, indiba ian chatro-chatrirangko uamangni mikkangchi janggi tangmikkanganio an·tangtangko tarina aro uamangni changa-sapanirangko namdapatna didiani aro skie on·aigipasan ong·aia. Iandakgipa program chadamberangna bang·bea ra·biani aro didianiko on·chingmotgen” ine Tikirkilani BDO Dr. Rikrak N Marak aganaha.
“Iandakgipa program ko ong·atamichi chatro-chatrirangni gisikko salna man·aha, uamangna didiani aro ra·bianirangko on·a man·aha. Unigimin iandakgipa programko ong·atanina gisik ka·tongonin mittelbea” Tikirkila Collegeni principalba tom·ao mittelpile aganaha.
Na·simang ia video-koba nina man·gen:
Na·simang iakoba poraina man·gen: Pahalgam-o a·sel ong·aniko NPP jegala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
