Arunachal Pradesh, July 19: Arunachal Pradeshni BJP MLA til•ekdraanio dos ong•e a•dokni district courto bail ra•na mol•molani chittiko on•ahachim, indioba court uni mol•molako knachakjaha. BJP MLA Lokam Tassar minggipa bilsi 24 ni me•chik saksako drae til•ekdranio dos donggipa ong•a. “Dos dakgipa MLA ko mokordoma segataonin rim•na jotton ka•beengachim indiba ua kate chakenga, uko rim•na chinga rakbeen kam ka•enga” ine police aganaha.

“Court uni dos chong•motko sakki gnang rim•a man•ode ua MLAna chinga rakgipa sinjetaniko on•gen” ine Arunachal pradesh skotong minister Phema Khanduba aganaha.