Gangtok, Nov 29: 2024 bilsini November 27 tarikoni December 5 tarikona, kena nangbatgipa tin•kagimin surini chibolrang aro chi ban re•aniko champengna man•a gita robust flood mitigation-ko tarina tin•kagimin aro chubatgipa a•brirangona bon•kamgipa expidition ba re•ange nianiko, Sikkim sorkari a•bachengataha.
Ia expidition-ko a•bachengatani miksonganiara, uan Shako Chho-ni chirangko komiatna aro Dolma Sampa chibol-na dam ba chi ban ka•na miksonganio ong•a. Iarangko dakanichi, tin•kagimin surirangni a•sel chi ban re•ani bidingo nambate u•isamsona man•an baksana tin•kagimin surirangni jronganichi kenbegnigipa chi ban re•anirangko champengsona rakbegipa jakku de•anirangko daksona man•gen.
Official-rangni u•iatani gitade, ia dolrang chiboloni jokbaenggipa chirang, surini ning•chi ong•enga obostarang, biapni gimin mep salani, jabolrangko poraie niani baksana chi ban re•aniko toe nianirangko dakanggen.
Chini ditrorobaani aro biapni dingtangbaaniko u•ina gita monitoring station-ko iano donataha. Iarang salantio ong•enga obostarangni gimin aro rang•gitik chirang ditbobaanirangko nikode mikrakataniko on•atgen.
Ia expidition dolrango, Science and Technology Department aro Mines and Geology Department-ni scientist-rang aro engineer-rang baksana, dakchakpaaniko on•enggipa Indian Army Mount Division-ni sak 27 baksana Indo-Tibetan Border Police-rangba dongpaa.
Feet 17,000 mangni chuao ia re•ange nianiko dakanio ia dolrang ga•nanggija biap baksana namen sin•ani a•sel neng•nikanirangko man•enga.
Na·simang ia video-koba nina man·gen:
Na·simang iakoba poraina man·gen: Salgnina ong·atanggipa Tura Me·gong Int’l Litfest matchotanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
