Guwahati, July 3: Meghalaya-ni mande ine bebe ra•enggipa sakgni koila cho•gipa manderang, Assam-ni Tinsukia a•jao bisi gnanggipa balwako rang•sitman•enba siahakon ine chanchichipenga. Ia apsan biapon, jasa gapna skang mangmang Meghalaya a•dokni sak 2 manderangko man•chape sak 3 manderang siahachim.
Ua jolo songdonggipa manderangni u•iatani gitade, July jani 1 tarik attamo Tinsukia-ni ning•o ga•akgipa Lidu Pahar-ni Dharma Basti-o uamang sakgniko siboke dongako man•aha. Indake uamangna ta•rake sanna bannaniko on•a gita Margherita FRU-ona ra•angahachim, indiba doctor-rang uko siakosa ra•baaha ine parakataha aro uamangni manggisirangko joljolan Margherita police station-ni manderangna pakwatataha.
Sianggipa manderang sakgnian, Ledo minggipa biapo ua jolo donggipa mandeni niamgri koila cho•atenggipao bak dong•pagiparang ong•a ine matnange aganangaha.
National Green Tribunal (NGT)-ni gita champenganiko dakan baksana State authority-ni raken niamrangko ja•rikchina ge•etani on•mangenchim ong•omangba niamgri koila cho•anirangko da•oba ia jolo dakengkua.
June jani 21 tariko, Assam assembly-oni sak 7 seoka man•gipa manderang, Tinsukia-o niamgri koila badingani aro koila cho•aniko nirokeaniko dakangahachim.
May jani 25 tariko, ong•anggipa obostara koila cho•gipa biap chongmotan Patkai Hills-ni Bargolai aro Namdang-ni gisepgriko Arunachal Pradesh-ni sima ari sambajolo donggipa Tinsukia-o a•a ruani aro koila cho•gipa rong•kol be•gruani a•sel Jatah songni John Nongrum aro Korhadem songni Phiniellin Umbah janggitangko gimaataha.
Na·simang ia video-koba nina man·gen:
Na·simang iakoba poraina man·gen: Kaziranga National Park-o chi ban re•enganiko Assam CM nirokea
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
