Guwahati, Apr 10: Mongolbar walo, Assam a•dokni Tinsukia a•jao Oil India Limited (OIL)-ni chalaienggipa to chimongchakramoni torang konta gittammangna leak ong•ani ba joksruahani a•sel samba jolo donggipa manderang neng•nikanirangko chagrongna nangtokaha.
Jolo sondongenggipa manderangni u•iatani gitade, ia biapara Tinsukia a•jani Baghjan song ning•o donggipa Dighaltanga jolo ong•achim aro ia to chimongchakramoni torang leak ong•ahani a•sel manderang kengokna gita nangtokaha.
2020 bilsioba apsan daken Baghjan songo torang leak ong•enba wa•al kamgopahani gimin Mongolbar waloba songni manderang kenjagokatako man•tokaha ine u•iataha.
Ia to chimongchakram biapara, Dibru Saikhowa National Park gita jokpakangenggipa Dangori chibima sambaon ong•achim aro ia to chimongchakram biaponi torang leak ong•ahani a•sel torang, chirangona, manderangni cha baganrangona aro mi a•palrangonaba joksruange, manderangna neng•nikanirangko on•angaha ine songni manderang u•iataha.
“Ia a•sel ong•ani Mongolbar walni 11:30 bajimango ong•aha aro ua biapo kamko ka•enggipa kolrang nosto ong•ani a•sel torang leak ong•aha. To leak ong•ako Budbar pringwalni 2:20 bajimango dontongatna man•aha,” ine OIL-ni official saksa parakatskaaha.
Na·simang ia video-koba nina man·gen:
Na·simang iakoba poraina man·gen: Guwahati-o heroin samrang baksa sak 3-ko rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
