Guwahati, Feb 11: Manipur a•dok sorkari, a•doko tom•tom ong•gijaniko ra•bagnigipa tol•e jangbingbanggipa kobor-rangoni mikrake dongchina pilak songdong a•chagipa manderangna u•iataha.
Chief Secretary P. K. Singh, dingtang dingtang cholrangchi a•doko songdongenggipa rangni gisepo so•sojengjeng ong•gni kobor-rangko giproroatengani bidingo janapengon, adita manderang aro dolrang tom•tom ong•aniko nosto ong•atgnigipa kamrangni bidingo a•doko tol•e giproroatna miksongengani gimin sakantian iandakgipa kobor-rangna mikrake dongna nanga aro tol•gipa kobor-rangko ramram bebe ra•na nangja ine parakataha.
Iandake tol•e kobor-rangko gipatgipa aro so•sojengjeng ong•atna miksongenggipa kamrangko champengsona gita 24×7 Control Room-ko sorkari bikotaha aro jemangan iandake tol•e gipatgipa kobor-rang man•sogenchimode, 9485280419 number-ona ka•e Control Room-na badi ka•doangna man•gen ine janapataha.
Jean iandake a•doko tom•tom ong•aniko so•sojengjeng ong•atna jotton ka•a uamangko rim•a man•genchimode rakgipa sastirang baksa niamo pangchake ja•ku de•anggen ineba sorkari mikrakataniko on•ataha.
A•doko tom•tomaniko ra•bana aro jatrangni gisepo nangrimgrikaniko aro namroro silroroaniko ra•bana man•a gita, dolsa dolgipin baksa nangrime, ma•sichakgrike aro ka•dongrikaniko ra•bana ku•cholsan kamko ka•angna ine songsalo dilgiparangko, toromni dilgiparangko, chatro chatrirangni dolrangko aro a•doko songdong a•chaenggipa manderangko sorkari mol•molataha.
Una agreba, songdongenggipa manderangni naljokanina krenge Manipur sorkari kamko ka•anggen ine ku•rachakatan baksa, tal•bate ma•sie ra•na sikgenchimode Control Room ba sepangbatao donggipa authority-rango kobor ra•chinaba didiataha.
Na·simang ia video-koba nina man·gen:
Na·simang iakoba poraina man·gen: Shillong Municipal-ko sal 30-ni gisepo soroko re•rame dongenggipa achakrangna nokrangko rikchina ge•etaniko on•angaha
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
