Shillong, Aug 1: Re•anggipa July-ni 26 tariko dolsa NGO-ni membor-rang, Assam-oni re•baenggipa tourist taxi-rangko champengsoe watatpilani ja•man Meghalaya a•doko, mongsongbate manderangni rona namnikgipa biaprangona gipin biaprangoni re•baenggipa manderang komiengahani a•sel bading chiwale cha•enggiparang aro dingtang dingtang dokkanrangko dakenggipa manderang neng•nikanirangko chagrongna nangtokengaha gimin iandakgipa neng•nikanirangko niatchina gita Meghalaya Rural Tourism Forum (MRTF)-ni dilgiparang, a•dokni Chief Minister Conrad K Sangma aro Tourism Minister Paul Lyngdoh-ko didiataha.
Iani bidingo Tourism Operators Association of Meghalaya (TOAM) aro MRTF-ni dilgiparang tom•e chanchirimani ja•man kobor ra•timgipa manderang baksa agangrikengon, July 26 tariko ong•gipa a•selni ja•man hotel-rango aro homestay-rango dongna book ka•ani 30 percent-ni gita komiangaha aro iani a•sel bading chiwale cha•enggiparang noksan ong•na nangtokenga ine TOAM-ni president Banlum Blah aro MRTF-ni president Allan West parakataha.
Gipin biaprangoni Meghalaya a•dokona re•baenggipa manderangna chel•chakanirangko on•na man•na gita Umtyngar-o police outpost-ko songchina, Meghalaya Rural Tourism Forum-oni dal•dalgipa songjinmarangona dal•kalgipa sildorengrangko bilruraatchina aro Shillong airport-oni Shillong songjinmaona aro Sohra-ona shuttle bus service-ko a•bachengatchina gitaba ia dolrang, a•dok sorkariko didiataha.
Mikkangchi iandake gipin biaprangoni re•baenggipa manderangko champengna man•jana gita aro mikkangchi dingtang dingtang festival-rangko ong•atna siengani gimin ia neng•nikanirangko ta•raken namatchina gitaba TOAM aro MRTF dolrang, a•dok sorkariko didiataha.
Na·simang ia video-koba nina man·gen:
Na·simang iakoba poraina man·gen: Manipur-ni apjitata man•gipa manderang re•jomaniko dakanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
