Shillong, July 28: A·dokni cabinet minister aro Tourism department-ko jako ra·enggipa Pa Paul Lyngdoh, a·dokni biapko nina gita gipinchini re·bagipa manderangko salruragipa tourist garirangchi a·dokni ramarangko sket-changket ong·atgija dingtang dingtang biaprangona napbana man·na gita ge·gipin gital ramarangko a·dok sorkari sandienga ine Sukrobar salo aganangaha.

Gital ramarangko sandie nienggipaoni Umiam -oni Mawlyndep -ona tarigipa ramaba damsa ong·a indiba ia ramako tariata machotsrangkuja ine minister u·iataha.

Re·anggipa jao sorkarini a·bachengate on·anggipa bol sot-bonga Innova garirangkoba  a·palchini re·bagipa tourist-rangko salrurana gitan ong·a aro ia tourist garirangko ra·baanichi a·dokona manderangko saldobaenggipa Assam-ni garirangko aditan komiatna dakchakgnok ineba minister u·iatangaha.

A·doko tourism-ni a·bako tang·doatnade namnamgipa hotel rang aro noktango tourist-rangko nokchakani biaprang dongna nangchongmotani gimin aganangengon, re·baenggipa bilsi March jana skang noktango tourist-rangko nokchakani biapna homestay project-ni ning·o ge 1000 homestay-rangko on·na gita a·dok sorkari tariaha ineba minister parakataha.

Iakoba poraie nina man·gen: Jinma tom•bimonganiko ong•atenga ine social media-o jangbingbangataniko DC jegala

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub