Agartala, Jan 4: Tripura-Mizoram aro Bangladesh-ko nangdimatgipa sima ari sambajolo bobil dolrangni re•baani koborrangko man•soenba, chel•chakgipa dolrangko mikrake dongchina u•iatan baksana, Border Security Force (BSF) dolrangko a•briarigipa jolrango donatskaaha, inenba official saksa u•iataha.
Tripura-ni Inspector General of Police (Intelligence), Krishnendu Chakraborty, adita salrangna skang Unakoti aro North Tripura a•jarangona re•angenba, nirokani aro ku•cholsan ong•e kam ka•aniko bilakbatatna gita jolo donata man•gipa chel•chakgipa dolrang baksa dingtang dingtang tom•e chanchirimaniko dakangaha.
Bangladesh-ni mittam bobil dolrang re•anggipa bilsini September jao Tripura sorkarina bame onaniko dakgenchim ong•oba, Salgro Salaram jolni mittam bilakgipa bolbil dolrang Bangladesh-o donue dongkuengnaba donga ine janapataha.
2024 bilsini July jao, political party-rangni gisepo so•so jengjeng ong•ani jamano, August jani 5 tariko, Bangladesh-o Sheikh Hasina-ni sorkari be•a jaman India-Bangladesh sima ari jolo niamgri napdrabaani, bobil dolrang aro badingsrukanirangko champengna gita chel•chakaniko bilakbatatna nangao ga•akaha.
Tripura a•dok, Bangladesh a•song baksa 856 km mangni gita sima ari-ko bak man•paa jeoni 26.64 km mangni gitade guare kagijagipa ong•a. Indake ong•engon, Mizoram aro Bangladesh-ko nangdimatgipa sima ari-de chu•gimikan guare kaa grigipa ong•enba, sima ari-ko nirok simsakanio neng•nikaniko man•batani ong•a.
Na·simang ia video-koba nina man·gen:
Na·simang iakoba poraina man·gen: Bilsi gitalni somoio bilsi 23 ong•gipa chadambe kenchi-chi su•a man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
