Agartala, Sept 15: West Tripura a·jani Kanchanmala songo donggipa Parimal Das minggipa game cha·gipa saksa, rambutan-ko ge·e a·doko ge·a-gamaniko dakanio gitalgipa chu·sokaniko man·aha.
Rambutan-ara (Nephelium lappaceum) Sapindaceae dol-ni bang·e dal·gijagipa ding·gipa biaprango chagipa bol ong·a. Uni bite-rang gitchak rong chikgipa ong·a aro ning·achide gipoka. “Rambutan” bimungara Malaysia-ni ku·siko kni-ko miksonga, aro uandaken bite-oba bu·su dakgiparang donga. Rambutan-rang bolrango chokchim-chokchim dake nanga aro minna gita jagittamrang somoi nanga.
Rambutan-rangko uni chi·anina aro bimang dingtanganina mingsinga, uandaken dokkanrango aro U.S.-ni dingtang antidamrango palon uarangko namen niksenga ine nikna man·gen. Uni bimangna agreba, manderang ia biteko be·enna bang·a namgnirangko on·ani giminba namnika.
Das-ni Tripura-o ia gitalgipa ge·a-gamaniko dakdilaniara ge·a-gamanirangko dakanio game cha·giparangna gitalgipa cholrangko mesoka. A·dokni sin·a-ding·anirang aro a·arang ia biteko ge·na namgipa ong·a ine nikna man·ani gimin, re·baenggipa bilsirango rambutan-ko joltangnasan ong·aija indiba a·palchina bading-chiwalatnaba ge·na man·gen ine expert-rang ka·dongsoenga.
Tripura-o skanggipa changna indake ge·e nianiko dakaniara songo-noko janggi tangani gadangrangko namdapatna, gital cholrangko on·na aro dingtang dingtang ge·a-gamani bewalrangko ra·bana ja·ku de·ani ong·a aro gitalgipa ge·a-gamanirangko dakna gipin game cha·giparangnaba didianiko on·ani ong·a ine nikna man·enga.
“Anga biterangko ge·aniko mongsongbate an·tangna aro angni samtangtang baksa janggi tanganina dakbata. Biterangko ge·aniara tangka-paisarangko man·ani namgipa chol ong·a. Bang·a bilsirangna anga rubber-ko ge·e-game cha·achim aro anga uchin nokdangko chalaiachim. Biterangko mitamko an·tang cha·na aro palna ine miksonge anga ge·na a·bachengaha,” ine Das Hub News-na parake aganangaha. Ge·a-gamaniko dakana agre ua Joy Guru Flower Nursery-ni nokgipaba ong·a.
“Anga dragon fruit-koba ge·anirangko daka, Tripura-ni game cha·giparang rambutan-ko ge·na sikgenchimode, uamang uko ge·na man·gen aro iachin tangka-paisarangko man·ani cholrangko dakna man·gen. Da·o anga rambutan-na kg-prako tangka gong 1,000-ko man·enga. Tripura-ni a·arango rambutan-ko altuae ge·na man·a,” ine ua aganaha aro mikkangchina nisigija ge·a-gamani bewalko ja·rikani namgnirangko talatenba pilakan organic ba sam gri ge·a-gamaniko dakna nanga maina iakon manderang bang·bate am·a ine ua agandapaha.
Na·simang iakoba nina man·gen:
Na·simang iakoba poraina man·gen: A·a ruanichi Lanka-Lumding Highway sambao donggipa NH-27 rama champengatako man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
