Agartala, Jan 04: Tripura-ni Gomati district-ni ning·o donggipa Udaipur-o Tripura-ni skotong minister gitcham Pa Biplab Kumar Deb-ni atchu-ambini nokni a·palo ma·sina man·gijagipa manderang mija Mongolbar walo kamalrangko chadrapaha.
Ia obostara, Udaipur-ni Jamjuri a·jani Rajdhanagar-o donggipa Bharatiya Janata Party (BJP) Rajya Sabha MP-ni noko pagipani sianina Butbar salo puja ba Yagna-ko bilsio changprak dakna gita Deb-ni nokona adita sak kamalrangni sokbatokani somoio ong·ahachim.
Indake ong·engon, mija Mongolbar walo obosta ong·anggipao Udaipur-ni Jamjuri-ni ning·o donggipa Rajdhannagar-o adita bol garirang baksana adita ge dokan nokrangkoba ma·sina man·gijagipa manderang so·chipaha.
Ia obosta ong·ani chong·mot ja·pangko police-rang talna gita man·kujagenchimoba, ja·pangoniko koborko knasoni gitade, Tripura-ni skotong minister gitcham Pa Biplab Kumar Deb-ni pagipa sagina atchutang-ambitangni noko Hindu-rangni dakbewal gita puja ka·chaknasienggipa biap sambani ramasamrango political-ni nisanrangko tape ba songe donanichi obostarang ong·na gita a·bachengaha.
