Agartala, July 10: State Disaster Management Authority (SDMA)-ni u·iatani gitade, Tripura-ni adita bakrango dondikpilgija mikkarang jimbee waangani a·sel chi ban re·anichi, Unakoti, Dhalai aro Khowai a·jarangko nangchakeataha aro sak 10,977 mang manderangko relief camp-rango ma·chake dongna draatako man·aha.
Ia chi ban re·anichi nangchakea man·gipa biaprango te 4,027 nokrang nosto ong·atako man·an baksana gama ge·anina jakkalgipa a·arang, mi misi pangrang aro gipin gamjin-rangkoba chi mriptokaha.
Ia antini a·bachengo, North Tripura-ni Dharmanagar-o donggipa Juri chibimao bilsi 23 ong·gipa Subham Debnath-ni sianichi da·o dipet chi ban re·anio sigipa saksa ong·aha.
Manun chibimani chirang komiroroangengon, Agartala-o donggipa Howrah chibimani chi-de mikrakatsona dongipa chin-na baten ka·mao ong·enga aro nirokjringani ning·on ong·enga ine authority-rang u·iataha.
India Meteorogical Department (IMD), re·baenggipa July jani 12 tarikona kingking mikka bitchirang bang·e ga·akanina agansamsoani dakatengon, jolo songdonggipa manderangko chi ban re·ani, chi-rang skate dongani, gari re·ruraani apchangket ong·ani aro a·arang ruanina mikrakatanikoba on·angjolaha. District Administration, kenchakna nanggipa biaprango donggipa manderangko gisik rake dongchina u·iatan baksana nangchongmotana agre chibimarang aro gipin chiringrangko gelchina didianiko on·ataha.
Na·simang iakoba nina man·gen:
Na·simang iakoba poraina man·gen: Opposition dolrang Assam Budget 2026-27-ko “copy paste” ine matnanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
