Agartala, Oct 13: Agartala songjinmani ONGC Netaji Nagar jolo, ma·ningsa sakgniko uni chawarigipa ka·saninggija dake so·ote galaha.
So·otako man·gipa ma·ningsa sakgniara Tanushree Acharya aro uni ma·gipa Soma Acharya ong·achim aro uamangko Tanushree-ni segipa Samarjit Choudhury so·otaha.
Koborko on·ani gitade, Tanushree aro uni segipa Samarjit, ekgrikna gita kachario case matchotkujaengani gimin batanggimin bilsisa atana dingtang dingtang dongengachim aro Tanushree, ONGC Netaji Nagar-o donggipa uni ma·a paani noko dongengon, uamangni depante sakgnide uamangni pagipa Samarjit baksa dongskaengachim.
West Tripura a·jani Superintendent of Police (SP) Dr Kiran Kumar-ni u·iatani gitade, Facebook-o Tanushree-ni pante sakgni baksa photo ka·ako nike Samarjit ka·a ding·chaoenba, uko so·ote galna tik ka·aha.
Unwalo Samarjit, niogipani nokona re·ange dongnue dongaha aro pring 4:00 bajimango Tanushree aro uni ma·gipa, Durga Puja-oni re·bapilon, ua Tanushree-ko atte gita dake matsramgipa bostuchi den·ataha. Tanushree-ko uni ma·gipa jokatna jotton ka·on, ukoba Samarjit, matsramgipa bostuchi den·ataha aro uamang sakgnian ua biapo janggi galaha ine SP aganaha.
A·sel ong·ani ja·man dos dakgipa Samarjit, Madhupur-ona katangahachim indiba uko bakan police-rang rim·na man·aha aro ua an·tangni dosko ku·rachakaha ine SP aganaha.
Na·simang ia video-koba nina man·gen:
Na·simang iakoba poraina man·gen: Jaipur-o gari bolsako wa·al kama
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
