Agartala, Oct 20: Robibar salo, Tripura-ni Border Security Force (BSF), India a·songona niamgri napsrukbagipa sak 21 manderang chong·motan sak 11 Bangladeshi aro sak 10 Rohingya-rangko rim·aha. Ia rim·a man·gipa sak 11 Bangladeshi-rangko chu·onga gita lekka pancha gri India-ni gipin bakrangona re·angna jotton ka·mitingko Agartala Railway Station-oniko rim·aha aro uamang India a·songona Tripura a·dokni sima ari gitan napbaaha ineba ku·chakaha.
Iani minggipin case-oara, BSF dolrang me·chikrang aro bi·sarangko man·chape sak 10 Rohingya-rangko North Tripura a·jaoniko rim·skaaha. Uamang Delhi aro Jammu-oni re·baenba, bijangchio donge kamko ka·enggiparangni dakchakanichi Bangladesh-ona re·angna miksongengachim. Indake rim·a man·gipa manderang sakantikon niamni gita ja·ku de·aniko dakna police dolrangna pakwate on·ataha.
Iani gisepon, BSF dolrang niamgri napsrukbaani aro mande badingsrukaniko champengatna maniani somoirango sima ari jolrango chel·chalaniko mangrakbatataha.
Na·simang iakoba nina man·gen:
Na·simang iakoba poraina man·gen: Zubeen Garg-ko gisik ra•na ming 10 kamrangko ka•na Assam CM paraka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
