Imphal, Aug 5: Olympic-o silver medal-ko chebagipa Manipur a·dokni Mirabai Chanu, Bristibar salo truck driver-rangna mande ra·pilskaaniko dakangaha.
Mirabai Chanu-ni song Nongpok Kakching-ara Manipur a·dokni skotong Imphal songjinmaoni km 25 chel·grikani gimin ua salanti, ranta ka·aniko dakna gita Imphal songjinmaona re·ruraanio neng·nikanirangko man·na nangachim. Ua somoio uko pangnan ia truck garini driver-rang, Imphal-ona an·cheng salruramiting somoio sale on·skarongachim.
Indita bilsirangna dakchakaniko man·e ua chu·sokgipa ong·ahani gimin Bristibar salo an·tangni mittelpilaniko mesokna gita ia truck driver-rangna shirt, Manipuri scarf aro Manipuri misalko on·e mande ra·pilskaaniko dakangaha.
Ia truck driver-rang uko salanti salrurae on·jagenchimode da·alo uni weightlifter ong·na jumang nikani chu·sokgipa ong·jawachim ine Mirabai aganaha.
