Shillong, Mar 7: PHE Minister Marcuise N Marak, Greater Tura Urban Water Supply Scheme-ko 2055 bilsimangni gisepo salo 30 million litre-ni chirangko on•a man•a aro New Shillong Water Supply Scheme (Phase-I)-ko 2057 bilsini gisepo salo 70 litre-ni chiko on•a man•a gita a•bachengatgipa ong•a ine Assembly-o janapangaha.
Greater Tura Urban Water Supply Scheme-ko, 2025 bilsini January 31 tariko ra•chakaha aro gong crore 398.48 tangkarangko on•a ku•chakaha.
Ia scheme-ni ning•o, a•rankario china dilengon Ganol chiringoniko chirangko saldoskaenba Tura aro uni wilwilao donggipa jolrangna salo 30 million litre-ni chirangko on•a miksongenga.
Indake New Shillong Water Supply Scheme (Phase-I)-kode 2024 bilsini March 15 trikon sorkari ra•chakaha aro gong crore 538.44 tangkarangko State Plan-ni ning•o on•a ku•chakangaha aro Engineering, Procurement & Construction (EPC) contract-ko M/s BAC Infratech Private Limited-na 2024 bilsini June 26 tariko pakwatman•aha aro ia project-ko bilsignini gisepon matchotatna tik ka•angaha.
Ia scheme-ni ning•o, New Shillong songjinma aro gipin dam 32 songrangona Umkhen chibimaoniko sokatskagen.
Na·simang ia video-koba nina man·gen:
Na·simang iakoba poraina man·gen: Tura-ni Sherwood School me•chikrangni salko manisamsoa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
