Tura, July 5: Garo Hills-o aro mongsongbate Tura aro Williamnagar jillarango jal·likni dam rakdugaengani a·sel manderang neng·nikanirangko man·tokengaha.

Batanggimin antirangosan Tura-o jal·likko kg-prako gong 120/- ka·e palkuengachim indiba da·o jal·likko kg-prako gong 250-oni gong 300-mang ong·pile palskaengahachim.

Apsan daken Williamnagar-oba jal·likko kg-prako gong 300-mang ong·pile palengachim indiba Budbar salode jal·likni dam 200/-ona komiangskaaha ine kobor on·aha.

Jal·likna agreba gipin me·su samjakrangni damba tang·doangaha aro me·surangni dam tang·doangkunaba gnang ine kobor on·timgiparang u·iataha.

Kobor on·timgiparangni u·iatani gitade, Tura aro Williamnagar-o jal·likko kg-prakon gong 300-mang ong·pile palengoba Shillong-ode jal·likko kg-prako gong 120 ba 130 dakerangsan palskaenga.

Iani bidingo West Garo Hills a·jani Deputy Commissioner-o sing·sandiaton, ua obostarangko name nienga aro man·a dipet damrangko ta·raken komiatpilna jotton ka·gen ine manderangna ku·rachakaniko on·ataha.

Indake ong·engon, Assam aro a·songni gipin bakrangoba mikkarang jime waengani a·sel chirang bane, jal·lik aro dingtang dingtang me·su samjakni damrang rakbatenga ine kobor on·timgiparang parakataha.

Iakoba poraie nina man·gen: Manipur-o skulrangko kulipiltaina a•bachenga

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub