Tura, June 8 : Battanggimin salgnini gisepo komibeoba mang 10 menggorang aro mang 2 menggo bi•sarang, Tura-ni Bonepa gittimo u•ina man•gija a•selo siaha.

Iani bidingo, maming badi ka•anirang dongjagenchimoba, sianggipa menggorangni nokgiparang, menggorangko so•otna bisirangko on•manchagipaankon ine chanchichipenganiko parakataha.

Mittamrangni chanchichipe aganani gitade, haida saobarang meserangko so•otna gita nakamo siatani samko on•engnaba dongachim, jekon menggo cha•manenba siskana nang•ahakon ine aganangskaaha.

“An•ching jilla kaanirangna dongimin niamni gimin u•ianio namen jamanchaka. Manderang ia indakgipa obostani gimin maidake police dolrangna koborko on•a gita uni gimin u•ikuja,” ine menggo jilgipa nokgipa saksa u•iataha, jeni menggo mang 4 da•al pringo gimaahachim.

Battanggimin sal 3-rangni gisepon bang•a menggo jilgiparang an•tangtangni menggo sianiko u•iatokaha.

Indake ong•engon, darang menggo jilgipa nokgiparangba veterinary-ni dakchakaniko am•jaha, maina uamangni menggorang maidake rangsan neng•a aro chigala jaman konta 2 ba konta 3 ong•on siaiani gimin u•ijaen jajae dongaiachim.

Bebe gita, menggo nokgipa iani bidingo First Information Report (FIR)-ko on•a tik ka•genchim ong•ode, police dolrang section 428-ni ning•o bisi on•ani bidingo case-ko segatgenchim. Ia section-ni ning•o dos dakgipa manderangko rim•na man•a ong•ode bilsi 2-na pattok ning•o donani, dai gamani ba minggnikon on•aba man•a.

Sianggipa menggorangni bimungrangara, Grayme, Blackpanther, Ugly, Betty, Masimo, Whatagirl, Baby Cat, Bonbon, Misswat aro Kapaltaru ong•achim.

Na·simang ia video-koba nina man·gen: 

Na·simang iakoba poraina man·gen: Dokakku FC aro Babelapara SYC, gnigipa aro skanggipa bakni robol kal•susaanio chegipa ong•a

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub