Shillong, July 27: Adita salrangna skang, Tura-ni Chief Minister’s Office (CMO)-ko ro•ongrang goe chadrapanio jak donganina rim•ako man•gipa bang•a manderangan dingtang dingtang political dolni membor-rang ong•ani gimin ia a•sel ong•anio politics-ni gita jak dongna nanga ine Bristibar salo, Meghalaya a•dokni Deputy Chief Minister Prestone Tynsong parakataha.

Iani bidingo kobor ra•timgipa manderang baksa agangrikengon, da•o dipet rim•ako man•gipa manderangara bang•batan badiaba political dolrango bak ong•enggipa manderangsa ong•a ine Tynsong parakataha.

Ia a•sel ong•aniara badiaba political dolrangni chanchisamsoe dakanisa ong•a ine janapatengon, dos donggipa manderangni kosako niam gita ja•kurangko de•angchina ine Deputy Chief Minister aganaha.

Meghalaya a•dokni DGP aro West Garo Hills-ni SP-ko kam dontongatchina Trinamool Congress (TMC)-ni dabienggipa bidingo sing•anina aganchakaniko on•angskaengon, political dolrang jeba dabianirangkode dakna man•aia indiba kakketkosa nie ja•ku de•na nanga ine Tynsong parakataha.

So•sojengjeng ong•atanio jak donggipa manderangko ta•raken rim•ahani gimin ua a•dokni police-rangkoba mittelpilangskaaha.

Iakoba poraie nina man·gen: Manipur-ni skotong minister, gipinni mamlao jak on·jachina salgro-salaramni gipin a·dokrangko mol·molata

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub