Tura, Feb 11: Tura Diocese-ni ning·o donggipa dam 47 parish-ni me·apa dol ba St. Joseph Sodality-ni chang 29-gipa convention-ko Tura songjinmao donggipa St. Luke Parish-o, “Angan Mesrangni cholguga ong•a” ine pangchakaniko done, February 8 tarikoni a•bachengatenba, Robibar salo chong·motan February-ni 11 tariko name matchotataha.
Tom·anio Tura-ni Auxiliary Bishop C. J. Jose-ni jakchi rongtalgipa missa boliko on•enba matchotataha aro tom·aniona Garo Hills Autonomous District Council-ni CEM Pa Albinush Marak-ba mongsonggipa sokgipa ong•e bakko ra•angpaaha.
Tom·anio gimik dam 41 parish-rangoni delegate-rang sokbatokaha aro bon·kamgipa salni bako Tura songjinmao donggipa dingtang dingtang parish-rangoniba re·bae bakko ra•angtokaha.
Tura-ni Auxiliary Bishop C. J. Jose tom·anio jinmana aganprakengon, “Pap dakgipa mande songsaloni chel·a aro Isoloniba chel·a indiba Isol an•ching pap dakgipa mandeko indin watgalja. Konchi sagipa mandeko dangtape an•sengata gita Isol pap ka·gipa mandekoba sandina re·baaha” ine aganangaha.
Ia tom·anio, GHADC-ni CEM-ba jinmana aganprakengon, ia tom·bimonganiona re•bae bakko ra•ena man·ani gimin an·tangni kusi ong•aniko parakangenba, “Ian Pagiparangni tom·ani ong•a aro dingtangmancha Catholic mondoliko ripingna gita an•tangtangko on•kange rongtalgipa Joseph-ni janggi tanganiko ja·rike janggi tanganiba ong•a,” ine aganangaha.
Iakoba poraie nina man·gen: Assam-o ‘Siren Gang’-ni garirangko police-rang rim·na a·bachenga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
