Tura, March 8: Sukrobar salo, “Invest in Women: Accelerate Progress” ine bilsini katta bichong baksana “Inspire Inclusion” ine katta bichongko done, International Women’s Day-ko, Tura Donbosco college-o maniangaha. Ia college-o poraienggipa chatro chatri-rang manianio doka damane maniangaha.
College of Community Science-ni Assistant Professor Dr. Natasha R Marak jinmana aganengon, uni janggi tanganio cha•tote nikgiminrangni gimin aganan baksana an·tangni chu•sokanirangkoba aganjolangaha.
Ia manianio, Tura Don Bosco College-ni Principal Fr Bivan Rodriques Mukhim, Internal Complaint Committee (ICC )-ni Convenor Barbara S Sangma, Vice-Principal Rev Fr John Paul Turkey aro college-o skigiparangba iano dongpae bakko ra•e mikkim gnangbatataha.
Tura Don Bosco College-ni Internal Complaints Committee (ICC)-ni Convenor Barbara S. Sangma, me•chikrangko songsarni kamrango bak man•atni gimin aganenba, bebe gita ia a•gilsakko namdapatani katta kakket ong•genchim ong•ode, pilak bilgrigipa, kangal cholgrigipa aro songsarni gita galchipa man•gipa me•chikrangkoba bak man•atna nanggen ine aganangaha.
Una agreba, Tura Don Bosco College-ni Principal Fr Bivan Rodriques Mukhim, battanggimin 5gipa Meghalaya Games-o poraigipa me•chik bisarangni chu•sokanirangko agane me•chikrangko ra•song on•e aganangaha. Uasan ong·aigija, Tura Don Bosco College-o me•asa bi·sarangna bate me•chik bi·sarangan 58% mang bata aro ian poraigipa me•chik bi·sarangni gisik nangbataniko me•soka ineba ua aganangaha.
Na·simang ia vieo-koba ninia man·gen:
Na·simang iakoba poraie nina man·gen: Umiam-o IAF-ni air show-ko ong·ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
