Shillong, Mar 8: Sukrobar pringo, Indian Air Force (IAF)-ni Surya Kiran Aerobatic Team (SKAT), Umiam Lake-o air show-ko ong·atangaha aro ia air show-ko ong·atanio IAF-ni pilot-rang, an·tangtangni sildoreng bilatna changaniko mesokangaha.
SKAT baksana Sukhoi-30 MKI, Rafale aro Chetak/Cheetah Helicopter-rangba ia airshow-o bile mesokangaha.
Ia airshow-ko ong·atanio, Meghalaya a·dokni Governor Phagu Chauhan aro Chief Minister Conrad K Sangma-ba dongpae bak ra·angaha aro IAF pilot-rangni sildoreng bilatanirangko nike an·tangtangni aiao inmananiko parakattokaha.
Iandakgipa changa sapanirangko mesokangahani gimin IAF-ko mittelpilangengon, “Ian India a·songo songdongenggipa mande sakantinan mikkim rasongni ong·a aro uamangni a·songna aro a·songni manderangna an·tangtangko on·kange kamko ka·engani gimin anga Meghalaya a·doko songdongenggipa pilak manderangni pal IAF-ko mittelpilna ska,” ine Chief Minister Conrad K Sangma parakataha.
Ian a·dokni chadamberangna dingtang dingtang gadango a·songna dangdike on·na gita didiani ong·gen ineba Sangma aganaha.
Na·simang iakoba poraie nina man·gen: Amritpal Singh-ni case-o Dibrugarh jail-ni SP-ko rim·a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
