Tura, Feb 21: Mongolbar walo rang·san mikkarang waangani ja·man Tura-ona tariangenggipa National Highway rama a·dubek dakatako man·e, dal·dalgipa truck garirang, ia ramako re·ruraanio neng·nikanirangko chagrongna nangtokaha.

Budbar pringwalo chakka sam 14 donggipa truck gari bolsa, Tura ISBT samba gita re·angengachim indiba ia truck gari, a·dubeko naptome re·na man·gija dongna nangaha aro uandaken ja·mano gipin garirangba ia truck garini a·sel re·ruraanio neng·nikanirangko chagrongna nangskaaha.

Budbar pringo garirang ia biapo iandake jachange dongna nangtokahani gimin ja·mano ia biapona Tura-ni traffic police-rang re·ange dakchakeaha aro garirangko ka·sine ia rama gita watgrikna man·aha.

Ia ramao garirang apchangket ong·e dongna nangtokahani gimin mitam garirangde sambao donggipa songrang gita nappake re·na jotton ka·skaahachim indiba ramarang apchonani gimin ia rama gitaba garirang apsan obostakon chagrongna nangtokskaaha.

Na·simang iakoba poraie nina man·gen: Capt Williamson Sangma State University: Govt sanction 100 additional posts

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020