Tura, Mar 24: Garo Students’ Union (GSU), Tura-ko a·dokni Winter Capital songchina Skotong Minister Conrad K Sangma-ko didiataha.
Robibar salo, Skotong Minister-na seatgipa chittio, Tura-ko Winter Capital songchina gita Garo Hills a·jani manderang ru·uta somoirangonin dabibaengahani gimin man·a dipet ta·rake kamrangko chu·sokatchina aro ia kamrango chu·sokna man·ahaode a·jao donggipa manderangnaba pilak kamko ka·anio altubatgnok ine GSU Central Executive Committee-ni President Tengsak Gabil Momin janapataha.
Indake pilak kamkon Shillong-osa ka·engani gimin Garo Hills a·jani manderangna re·a doa ba pilakni gitan neng·nikani ong·a, uni gimin Tura-o Winter Capital-ko songna man·haode kamrangko ka·na altubatan baksana tourism, agro-industries aro Infrastructure ba rika cho·ani kamrango namdapatna man·gen aro kamgri ong·enggipa manderangnaba sorkarini kamko ka·e cha·pana chol ong·gen ineba ua janapdapataha.
GSU, India-ni gipin a·dokrang jekai Jammu & Kashmir-o Srinagar-Jammu aro Himachal Pradesh-o Shimla-Dharamsala, jolni kri aro biapni kri manderangna namgniko on·a aro altubate kamrangko ka·na man·a gita Winter Capital-ko songani giminba janapataha.
2005 bilsio Governor House-ko Tura-o rikani aro 2024 bilsio President Droupadi Murmu-ni re·baanian, iandakgipa ja·kurangko de·na nangengkuaniko mesokani ong·enga uni gimin, pilak MLA-rang, songsalo dilgipa dolrang, aro gipin dingtang dingtang a·bani dolrang baksa chanchirimaniko dake ia Winter Capital-ko Tura-o songna gita proposalko on·china ineba Skotong Minister-ko didiataha.
Na·simang ia video-koba nina man·gen:
Na·simang iakoba poraina man·gen: India aro B’desh dolrang Shillong-o robol kal•susagen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
