Shillong, Mar 6: Tura-ko Winter Capital songchina dabienggipani bidingo nipilna gita committee-ko songgen ine Bristibar salo, Meghalaya a•dokni Chief Minister Conrad K Sangma parakataha.
Chief Minister-ni parakatani gitade, Tura-ko Winter Capital songchina dabienggipani bidingo chanchirimon Rangsakona-ni MLA, committee-ko songna gita ku•pattianiko on•angaha aro bang•bata membor-rangan iako namnike ra•chakangaha.
Ia committee-o pilak political party-ni membor-rang, dingtang dingtang dolni membor-rang aro jatko dilenggipa manderangba bak ong•gen ineba Chief Minister parakataha.
Winter Capital-ko songani bidingo talataniko on•angengon, ian adita somoirangna minister-rang aro chief secretary-ko man•chape sorkarini executive wing-ko Tura-ona ra•angenba, Assembly session-rangko ong•atanian ong•gen ine Chief Minister aganaha.
Tura-o rikenggipa gong crore 170-ni Integrated Administrative Complex-an sorkarini kamrangko manderangona sepangbatatani bak gita ong•gen ineba ua aganaha.
Winter Capital-ko songanio korosrangni gimin janapatskaengon, Winter Capital-ko songanio korosde bang•en ong•gen indiba pilak biaprangnan apsan namroro silroroaniko on•anisa mongsongbatgipa bak ong•a ine Chief Minister aganaha.
“Uni gimin iako an•ching korosni gita niatna nangja indiba pilakkon bak ong•ate, manderangona sokatani aro pilak biaprangkon tang•doatanisa mongsonggipa ong•a,” ine ua aganaha.
Garo Hills-oba apsan bak rengsiko man•pana aro namroro silroroaniko ra•bana gita Tura-ko Winter Capital songchina dabienggipani bidingo sorkariko nipilchina didie Bristibar salo, Opposition dolni dilgipa Dr Mukul Sangma, Assembly-o chanchirimaniko ra•baaha aro iana Chief Minister Conrad K Sangma-ba Opposition dolni dilgipako mittelpile aganaha.
Ia jera ra•grikanio, Assembly-ni Deputy Speaker Timothy D Shira, Jim M Sangma, Celestine Lyngdoh, Renikton Lyngdoh, Rupa Marak, Brening Sangma, Limison Sangma aro Subir Marak-ko man•chape Assembly-ni dingtang dingtang membor-rangba bak ra•angaha.
Na·simang ia video-koba nina man·gen:
Na·simang iakoba poraina man·gen: M’laya-o na•tok bitchi pe•ram biaprangko rikdapna cr 10-ko chamata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
