Tura, Mar 26: Brigipa changna Tura-ni MP ong•e seokako man•na Mongolbar salo, National People’s Party (NPP)-ni candidate aro Tura-ni Lok Sabha MP Agatha K Sangma, an•tangna chakenggipa manderang baksa Tura-ni Deputy Commissioner’s (DC) office-ona re•bae, nomination lekkarangko Returning Officer Jagdish Chelani-ni jako on•angaha.
Uni nomination file ka•angani somoio uni ma•gipa Soradini K Sangma, uni adatang sakgni, chong•motan James Pangsang K Sangma aro a•dokni Skotong Minister Conrad K Sangma baksana NPP-ni bang•a dilgiparangba dongpatokaha.
Nomination file ka•na DC office-ona re•angna skang, ua Tura Cherangre-o donggipa an•tangni pagipa Purno A Sangma sagini gopramona re•angenba, pattianiko ra•eaha.
An•tangni nomination lekkarangko Returning Officer-na on•angani ja•man Hub News baksa agangrikengon, Meghalaya a•doko NPP-chi dilenggipa MDA sorkari aro ma•mongoba NPP-ni bakrimenggipa NDA sorkari, pilakni gitan namroro silroroaniko ra•bana man•engani gimin ia kamrangchin ua election-o chegipa ong•piltaina ka•dongenga ine Agatha parakataha.
Agatha-ni nomination file ka•na re•angani somoio a•dokni Dakchakgipa Skotong Minister Prestone Tynsong, Cabinet Minister Marcuise N Marak, sakgipin Cabinet Minister AT Mondal, Assembly-ni Deputy Speaker Timothy D Shira aro NPP-ni dingtang dingtang MLA-rangba dongpaaha.
Na·simang ia video-koba nina man·gen:
Na·simang iakoba poraina man·gen: Swine fever sabisina IIT Guwahati tikako taria
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
