Williamnagar, Mar 31: Tura Lok Sabha constituency-o susaenggipa candidate-rangoni National People’s Party (NPP)-ni candidate aro Tura-ni MP Agatha K Sangma-an nambatgipa aro krabatgipa candidate ong·enga ine NPP-ni working president aro a·dokni PHE Minister Marcuise N Marak a·kangataha.
Hub News-ni sing·anirangna aganchakaniko on·angengon, NPP-ni candidate Agatha Sangma changgittamna kingking Tura-ni MP ong·ahani gimin aro changsade Union Minister-ba ong·ahani gimin kamrangni gimin namen ma·sibegipa ong·a aro Garo Hills-ni manderangna uni ku·rang on·anichi ua bang·en tangka paisarangkoba man·bae on·ahani gimin uan nambatgipa aro krabatgipa candidate ong·enga ine Marak aganaha.
Ia Lok Sabha election-o badia candidate baksa susabatenga ine sing·anina aganchakaniko on·angskaengon, ianpakode NPP-ni candidate, darangmingba dakgrikna nangjawa ine Marak aganaha.
BJP-ko wa·al so·dogipa, NPP-ko wa•al kamgipao petrol rudapgipa, TMC-ko wa•al kamgipaona kokreng ole re•bae bosturangko oltome katgipa aro Congress dolara ua kamgipa wa•alko kimitgipa ine Congress candidate Saleng A Sangma-ni janapgipa kattarangni bidingo sing·skaon, BJP-ni wa·al so·ao NPP-ni petrol rudapani sakkiko mesokchina gita Marak, Saleng Sangma-ko aganenba, uni campaign ka·anirango jakkalgipa kattarangko nipilchina gita didiataha.
Meghalaya a·dokni Chief Minister aro NPP-ni national president Conrad K Sangma-ni Meghalaya a·dokko tang·doatna kam ka·anirangko ua ‘petrol rudapani’ gita nikama ine Saleng-ko sing·doatengon, ia pilakko tosusae nigopatgenchimode NPP-ni candidate Agatha K Sangma-an nambatgipa aro krabatgipa candidate ong·enga ine NPP-ni working president Marcuise Marak parakataha.
Na·simang ia video-koba nina man·gen:
Na·simang iakoba poraina man·gen: Assam-o cha·ani baksa bisi cha·manani ja·man sak 40-ko hospital-o donata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
