Tura, July 25: Budbar salo, Tura Matchakolgre-ni Multi-Facility Community Hall-ko, Skotong Minister Conrad K Sangma nokdonggae on•angaha.
Ia community hall-ko rikanio chu•gimik tangka gong lakh 52 mang ong•angaha, jenan Chief Minister’s Special Development Fund (CMSDF)-ni ning•o lakh 26 tangkarangko aro Meghalaya Basin Development Authority (MBDA)-ni Viability Gap Funding scheme-ni ning•o lakh 26 tangkarangko on•angaha.
Ia rikgimin hall-ni pilak namgnirangko man•a gita, tom•aniona re•bagiparang aro ua jolrango donggipa development committee-ni manderangko dingtang dingtang songalni gita, lekka porani gita aro su•sagrikani program-rangko ong•atchina gita, Skotong Minister Conrad K Sangma, tom•anio aganengon didianikoba dakangaha.
Una agreba, Skotong Minister, Tura jillako tang•dobatatna uni sorkarini gita dingtang dingtang miksonganirang aro project-rangko a•bachengatani giminba aganangaha. Iani gisepon, ua jabolrangko simsake galna nangchongmotani giminba agananiko dakna cholko ra•engon, rongtal an•talatani kamrangko a•dok sorkari municipal board baksa apsan nangrime kamrangko ka•engon, songsalni manderangba iano mongsonggipa bakko ra•na nangchongmota ine aganangkuaha.
Ia tom•anio, Tura Stephen Memorial Secondary School-ni chatro chatrirang doka damanirangko dakangaha.
Da•o dipet, ia community hall-ko rikanio ka•mabatgipa gadangkosan man•kuaienga, kosako da•o gadang 3-ko rikdapna gita nangkuenga. Ia ka•mabatgipa gadango, multi-facility hall, babilsi, mongsonggipa sokgiparangna nokdring aro jinma jakkalna gita ki•chak su•buchakram nokdringrangba donggen.
Skanggipa gadango me•chik jinma dongna man•gipa nokdring ba dormitory ge•sa baksana ge•gni auchakram, ge•gni paikanarang baksana ge•sa tuchakram jeon su•srangchakram nokdring ge•sa aro bosturang donchakani nokdringba donggen. Iani gisepon, 2-gipa gadango jinma me•asa tuchakna gita dormitory ge•sa jeon auchakani ge•gni aro ge•gni paikana dongan baksana, tuchakani ge•sa jeon su•srangchakram nokdring ge•sa aro bostu donchakani nokdringba donggen. Ko•sakbatgipa ba 3-gipa gadango rooftop event hall-ko dakatskagen.
Ia tom•anio, Mahendraganj-ni MLA, Sanjay Sangma, West Garo Hills-ni Deputy Commissioner, Jagdish Chelani, Tura Municipal Board-ni CEO, Rikse R Marak, West Garo Hills-ni Superintendent of Police, Abraham T Sangma baksana Matchakolgre Development Committee-ni member-rangba iano dongpae bak ra•angpaaha.
Na·simang ia video-koba nina man·gen:
Na·simang iakoba poraina man·gen: Garo Hills-o nokdang ge•sani manderangko montol dakgipa inenba chadrapa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
